Tuesday, February 9, 2016

"အရပ်စာချုပ်ဖြင့် ဆောက်လုပ်ခွင့်လျှောက်ခြင်း မြို့တော်စည်ပင် လက်ခံ"


"အရပ်စာချုပ်ဖြင့် ဆောက်လုပ်ခွင့်လျှောက်ခြင်း
မြို့တော်စည်ပင် လက်ခံ"


ရန်ကုန်တိုင်းဒေသကြီးအတွင်း ကန်ထရိုက်တိုက်များ
ဆောက်လုပ် ရာတွင် အရပ်စာချုပ် အသုံးပြု၍ ဆောက်လုပ်ခွင့်
လျှောက်ထားခြင်း များ ရှိလာပြီး ရန်ကုန်မြို့တော်
စည် ပင်သာယာရေး ကော်မတီကလည်း အရပ်စာချုပ်ဖြင့်
လျှောက်ထားသည့် အဆောက်အအုံ ဆောက်လုပ်ခွင့်ကို
သုံးထပ်အမြင့်အထိ ဆောက်လုပ် ခွင့်ပြုထားကြောင်း သိရသည်။

"အရင်ကတော့ ခွင့်မပြုဘူး။ ဒါပေမယ့် အခု နောက်ပိုင်း
သုံးထပ် အထိတော့ ခွင့်ပြုပေးထားတယ်။
ဒါကလည်း အိမ်ခြေမဲ့တွေ၊ ဆင်းရဲ နွမ်းပါးမှုတွေကို
လျှော့ချနိုင်ဖို့အတွက် ရည်ရွယ်ပြီး ဖြေလျှော့ပေးခဲ့တာ
ဖြစ် ပါတယ်”ဟု ရန်ကုန်မြို့တော် စည်ပင် သာယာရေးကော်မတီ
အင်ဂျင်နီယာ ဌာန (အဆောက်အအုံ) မှ
တာဝန် ရှိသူတစ်ဦးက ပြောသည်။

အဆိုပါ အရပ်စာချုပ်ဖြင့် အဆောက်အအုံ ဆောက်လုပ်ခွင့် ကို
လျှောက်ထားကာ ဆောက်လုပ် သည့် ကန်ထရိုက်တိုက်များမှာ
သင်္ဃန်းကျွန်းမြို့နယ်အတွင်း ပိုမို များပြားကြောင်း သိရသည်။

ယခင် က ကန်ထရိုက်တိုက် ဆောက်လုပ် ခွင့် တောင်းခံလျှင်
နှစ် ၆ဝ ဂရန် ရှိမှ သာ ခွင့်ပြုသော်လည်း
ယခုအခါ ရပ်ကွက်အတွင်း ပိုင်ရှင်မဲ့ ဂရန် မရှိ သည့် မြေများ၌
အဆောက်အအုံ ဆောက်လုပ်လိုပါက အရပ်စာချုပ် တွင်
သက်ဆိုင်ရာ ရပ်ကွက်လူကြီး ၏ ထောက်ခံချက်ဖြင့်
ကန်ထရိုက် တိုက်ဆောက်လုပ်ခွင့်ကို ၂ဝ၁၄ ခုနှစ် မှ
စတင် ခွင့်ပြုထားကြောင်း သိရ သည်။

ယင်းခွင့်ပြုချက်မှာ အိမ်ခြေမဲ့ ပြည်သူများအတွက် အကျိုးရှိသည့်
အခြေအနေတစ်ခု ဖြစ်မလာဘဲ ရပ်ကွက်အတွင်း
မိမိအကျိုး စီးပွား အတွက် ကြည့်ကာ ရပ်ကွက်အတွင်း ရှိ
စာကြည့်တိုက်များ၊ မီးသတ်ရေ ကန်များအား
ရပ်ကွက်လူကြီးများနှင့် ပေါင်းကာ အရပ်စာချုပ်ချုပ်ဆို၍
စီးပွားဖြစ်ဆောက်လုပ်နေခြင်းများ ရှိနေကြောင်း
သင်္ဃန်းကျွန်းမြို့နယ် အတွင်းနေထိုင်သူ အချို့ထံမှ သိရ သည်။

"ဒီရပ်ကွက်ထဲမှာ နေစရာ တကယ်မရှိတဲ့ သူတွေဆိုရင်
မပြော ပါဘူး။
အခုဟာက ကန်ထရိုက်နဲ့ ရပ်ကွက်လူကြီးနဲ့ ပေါင်းပြီး လုပ်နေ တာ၊
နေရာအလွတ်မကျန်ကို လုပ်နေ တာ။
သုံးထပ်လည်း မကဘူး။ လေးထပ်ခွဲတွေဆောက်ပြီး ဂရန်ရှိတဲ့
တိုက်ခန်းတွေထက် ဈေးနှိမ့်ပြီး ရောင်းတယ်။
သူတို့အတွက်က အမြတ်ချည်းပဲ။
စိုက်ငွေ တစ်ပြားမှ မရှိဘဲ လုပ်နေတာဆိုတော့
ကျွန် တော်တို့အနေနဲ့ သည်းမခံနိုင်ဘူး” ဟု
သ င်္ဃန်းကျွန်းမြို့နယ်၊ ဆ/က ရပ်ကွက်တွင် နေထိုင်သူ ဦးမြင့်နိုင်က
ပြောသည်။

ယခင်က ဂရန်ပိုင် မဟုတ်ဘဲ အရပ်စာချုပ်ဖြင့်သာ ခွင့်ပြုချက်
တောင်းခံဆောက်လုပ်သည့် ကန် ထရိုက်တိုက်ခန်းများအား
ဝယ်သူတို့ အနေဖြင့် မဝယ်ရဲကြသော်လည်း
ယခုအခါ ဆောက်လုပ်ထားသည့် နေရာ၊
တိုက်ခန်းပုံစံ တို့ကို ကြည့်ကာ ဝယ်ယူမှုများလည်း ရှိကြကြောင်း
အိမ်ခြံမြေအကျိုးဆောင်များထံမှ သိရသည်။

ယခုနောက်ပိုင်း ကန်ထရိုက် တိုက်ဆောက်လုပ်သည့်
ဆောက် လုပ်ရေးကုမ္ပဏီများက ၎င်းတို့၏ တိုက်ခန်းများအား
အရစ်ကျစနစ် ဖြင့် ရောင်းချကြပြီး ဝယ်သူများ ကလည်း
အရစ်ကျစနစ်ဖြင့် ဝယ်ရ သည်ဖြစ်ခြင်းကြောင့်
ဂရန်မြေပေါ် တွင် ဆောက်ထားသည် ဖြစ်စေ၊
အရပ်စာချုပ်ဖြင့် ဆောက်လုပ်ခွင့် တောင်းကာ
ဆောက်ထားသည်ဖြစ် စေ ဝယ်ယူကြကြောင်း သိရသည်။

"စည်ပင်က အရင်ကတော့ ဖျက်မယ်ဆိုတော့
အရပ်စာချုပ်နဲ့ တိုက်ခန်းတွေကို မဝယ်ရဲကြဘူး။
အခုက တရားဝင် သုံးထပ်အထိ ဆောက်လုပ်ခွင့်ပြုထားတော့
သတ် မှတ်ထားတဲ့အတိုင်း ဆောက်လုပ် ထားတဲ့
တိုက်ခန်းတွေဆို ဝယ်ကြ တယ်”ဟု
သင်္ဃန်းကျွန်းမြို့နယ် အတွင်းရှိ
အိမ်ခြံမြေအကျိုးဆောင် တစ်ဦးက ပြောသည်။

ယခု နောက်ပိုင်းတွင်
နာမည်ရ ကန်ထရိုက်တာများကလည်း အရပ် စာချုပ်ဖြင့်
ဆောက်လုပ်ခွင့်လျှောက် ကာ တိုက်ခန်းများ
ဆောက်လုပ် လာကြရာ
ယင်းတို့အနေဖြင့် အချက် အလက် စုံလင်စွာအသုံးပြု၍
ဝယ်သူ စိတ်လုံခြုံမှု ရှိစေရန် ဆောင်ရွက်လာ ကြသဖြင့်
အချက်အချာကျသည့် နေရာများ၌ ရှိသောတိုက်ခန်းများ၏ ဈေးမှာ
ဂရန်ရှိသော မြေကွက်၌ ဆောက်လုပ်ထားသည့် တိုက်ခန်း များနှင့်
တန်ဖိုးညီစွာ ရောင်းချနိုင်လာ ကြောင်း သိရသည်။

လက်ရှိတွင် ကန်ထရိုက်တိုက်
အများဆုံး ဆောက်လုပ်သည့်မြို့နယ် များမှာ
တောင်ဥက္ကလာ၊ သင်္ဃန်းကျွန်း၊ ဒေါပုံ၊ သာကေတ၊
ဒဂုံမြို့သစ် မြောက်ပိုင်း၊ မြောက်ဥက္ကလာပ၊
တာမွေ၊ ရန်ကင်း အစရှိသည့် နေရာများဖြစ်ပြီး
ဂရန်မရှိဘဲ ဆောက် လုပ်ခွင့်ကို အရပ်စာချုပ်ဖြင့် လျှောက် ထား၍
ဆောက်လုပ်သည့် တိုက်ခန်း များမှာ
သင်္ဃန်းကျွန်းနှင့် ဒေါပုံ မြို့နယ်တွင် အများဆုံးဖြစ်ကြောင်း
ကန်ထရိုက်တာများထံမှသိရသည်။

(ကြူကြူးကို)

“အဆောက်အဦနှင့်ဆိုင်ရာ အမေးများသော မေးခွန်းနှင့် အဖြေများ”

“အဆောက်အဦနှင့်ဆိုင်ရာ အမေးများသော
မေးခွန်းနှင့် အဖြေများ”


Q - ခွင့်ပြုချက်မဲ့ အဆောက်အဉီများအား
တရားစွဲဆိုသည့် အခါ အထပ်နိမ့်နှင့်အထပ်မြင့်
တူညီမှုရှိပါသလား။

A - ကော်မတီ၏ခွင့်ပြုချက်မရှိဘဲ မည်သည့် အဆောက် အဉီမှ
ဖျက်သိမ်းခြင်း၊ ပြင်ဆင်ခြင်း၊ အသစ်ဆောက် လုပ်ခြင်းမပြုရပါ။
ပြုလုပ်ပါက တရားစွဲအရေးယူ ပါသည်။

Q - ပိုင်ဆိုင်မှုဂရန်တင်ပြနိုင်ခြင်းမရှိဘဲ အရပ်စာချုပ်ဖြင့်
ခွင့်ပြု မိန့်လျှောက်ထားလာပါက ခွင့်ပြုပါသလား။

A - အရပ်စာချုပ်ဖြင့်ဆောက်လုပ်ခွင့်လျှောက်ထားပါက
မြေရာဇဝင်ကို စိစစ်ပါသည်။
မြေရာဇဝင် စိစစ်ချက် အရနိုင်ငံသားအမည်ပေါက်မြေဖြစ်ပါက
(၃)ထပ်ထိ ဆောက်လုပ်ခွင့်ပြုပါသည်။

Q - ခွင့်ပြုချက်မဲ့အဆောက်အဉီများ ဆောက်လုပ်ပြီးစီးမှသာ
ဘာကြောင့်တရားစွဲပါသလဲ၊ မဆောက်လုပ်မီဘာကြောင့်
တရားမစွဲပါသလဲ။

A - ခွင့်ပြုချက်မဲ့ဆောက်လုပ်မှုတွေ့ရှိပါက
Foundation အဆင့်တွင်ပင် တားမြစ်ပါသည်။
လိုက်နာခြင်းမရှိပါ ကတရားစွဲဆိုမှုကို စတင်ပြုလုပ်ပါသည်။

Q - အဆောက်အဉီ ဆောက်လုပ်သည့်အခါ
ကားပါကင်ကို ဘယ်လိုအထပ်မြင့်တွေမှာ ခွင့်ပြုပါသလဲ၊
ကားပါကင် ထည့်သွင်းမှုကို ဘယ်အချိန်က
စတင်ညွှန်ကြားခဲ့ပါသလဲ။

A - မြေကွက်အကျယ် (၅၀' x ၅၀') သို့မဟုတ်
၂၅၀၀ စတုရန်းပေနှင့် အထက် ကျယ်သော မြေကွက်များတွင်
အဆောက်အဉီ ဆောက်လုပ်ပါက
ကားပါကင် ထည့်သွင်းရန်လိုအပ်ပါသည်။
(၁၃.၈.၂၀၁၂) ရက် နေ့မှစတင် ဆောင်ရွက်ခဲ့ခြင်းဖြစ်ပါသည်။

Q - အထပ်မြင့် အဆောက်အအုံများ ဆောက်လုပ်သည့်အခါ
ခွင့်မပြုသည့်နေရာတွေက မည်သည့်နေရာများဖြစ်ပါသ လဲ။

A - ဆိတ်ငြိမ်ရပ်ကွက်များဖြစ်သည့်
ရွှေတောင်ကြား၊ အင်းယားမြိုင်၊ သံလွင်လမ်း၊ အင်းယားလမ်း၊
တက္ကသိုလ်ရိပ်သာလမ်း၊ ရွှေနှင်းဆီလမ်း၊ အေဝမ်း လမ်း
အစရှိသည့် အလားတူနေရာများဖြစ်ပါသည်။

Q - နိုင်ငံခြားသားအမည်ပေါက်နှင့် အဆောက်အဉီ
ဆောက်မည်ဆိုပါက ခွင့်ပြုမိန့်မည်သို့လျှောက်ရမည်နည်း။

A - လိုင်စင်အင်ဂျင်နီယာ လက်မှတ်ရေးထိုးထားသည့်
အဆိုပြုပုံစံ(၃)စုံ၊
မြေပိုင်ဆိုင်မှု အထောက်အထား၊
သတ်မှတ်ထားသည့် လျှောက်လွှာများနှင့် အတူ
လျှောက်ထားရပြီး
ရန်ကုန်မြို့တော်စည်ပင်သာယာ ရေးကော်မတီမှ
ပြည်ထဲရေးဝန်ကြီးဌာနသို့တင်ပြရ ပါသည်။

Q - ခြံစည်ရိုးနယ်နိမိတ်တိုင်းတာ မည်ဆိုပါက
အရပ်စာချုပ် နှင့် တင်ပြလျှင် ခွင့်ပြုနိုင်ပါသလား။

A - အရပ်စာချုပ်ဖြင့် ခြံစည်းရိုးနယ်နိမိတ်တိုင်းတာ၍ မရပါ။

Q - အဆောက်အဉီ ခိုင်ခံ့မှု စစ်ဆေးရေးအား
မည်ကဲ့သို့ ဆောင်ရွက်ထားပါသလဲ။

A - အဆောက်အဉီ ခိုင်ခံ့မှုနှင့် ပတ်သက်၍
လိုင်စင်ရ အဆောက်အအုံအင်ဂျင်နီယာမှ
တွက်ချက်တင်ပြလာ သည့် Structure Calculation ကို
ဌာနမှ စိစစ်ပေး ပါသည်။
ခိုင်ခံ့မှုရှိပါက ခွင့်ပြုပေးပါသည်။
ခွင့်ပြု ပေးပြီးပါက မြေပြင်တွင်လည်း
တွက်ချက် တင်ပြ ထားသည့်အတိုင်း ဆောက်လုပ်စေရန်အတွက်
စစ်ဆေးကြပ်မတ်ပေးပါသည်။

အင်ဂျင်နီယာဌာန (အဆောက်အအုံ)

"ကန်ထရိုက်တာနှင့်မြေပိုင်ရှင်တို့အကြား သတိထားစရာများ"


"ကန်ထရိုက်တာနှင့်မြေပိုင်ရှင်တို့အကြား
သတိထားစရာများ"


"နည်း(၂)မျိုး"
=======

အဆောက်အဦးများကို ကန်ထရိုက်တာနှင့်မြေပိုင်ရှင်တို့သည်
အောက်ပါနည်း(၂)မျိုးဖြင့် ဆောင်ရွက်တတ်ကြပါသည်။

၁။မြေပိုင်ရှင်နှင့်ကန်ထရိုက်တာတို့နှစ်ဦးသဘောတူ
အခန်းပေးအခန်းယူဆောက်လုပ်ခြင်း။

၂။မြေပိုင်ရှင်ကမိမိပိုင်မြေပေါ်တွင်မိမိပိုင်အဆောက်အဦးအား
မိမိပိုင်ငွေကြေးဖြင့်ကန်ထရိုက်တာအားငှားရမ်းဆောင်ရွက်ခြင်း၊
(တနည်းအားဖြင့်)
P.A.E စနစ်(Per Area Estimation )
အဆောက်အဦး၏တစ်ယူနစ်ဧရိယာခန့်မှန်းတွက်ချက်ပြီး
စိစစ်လက်ခံသည့်စနစ်တို့ဖြစ်ပါသည်။

"ခံစားခွင့်များ"
========

* မြေပိုင်ရှင်နှင့်ကန်ထရိုက်တာတို့နှစ်ဦးသဘောတူ
အခန်းပေးအခန်းယူဆောက်လုပ်ကြရာတွင်
အဆောက်အဦးတစ်လုံးအတွက်ကုန်ကျစရိတ်ကို
ကန်ထရိုက်တာကအကုန်အကျခံဆောက်လုပ်ရပြီး
မိမိခံစားပိုင်ခွင့်ရသည့်အခန်းများကို
- ကြိုတင်အရစ်ကျရောင်းချခြင်း၊
- အခန်းဆောက်လုပ်ပြီးမှရောင်းချခြင်းများဖြစ်ပါသည်။

* P.A.E စနစ်မှာထိုသို့မဟုတ်ပါ၊မြေပိုင်ရှင်မှ
မိမိပိုင်မြေပေါ်တွင်
မိမိပိုင်ငွေကြေးဖြင့်ကန်ထရိုက်တာအား အဆောက်အဦး၏
တစ်ယူနစ်ဧရိယာအပေါ်ခန့်မှန်းတန်ဘိုးကို
ကန်ထရိုက်တာမှတွက်ချက်၍အဆောက်အဦးတစ်ခုလုံး
အပြီးအစီးငွေကျပ်မည်၍မည်မျှကုန်ကျမည်၊
ရယူမည်ဆိုသည်ကိုမြေပိုင်ရှင်ဘက်မှလက်ခံပြီး

- အဆောက်ဦးဆောက်လုပ်ခွင့်ပါမစ်ရ၍
စတင်မြေတူးသည့်နေ့တွင်
%မည်၍မည်မျှကိုလည်းကောင်း၊
- ပထမထပ်ကြမ်းခင်းပြီးလျှင်
%မည်၍မည်မျှကိုလည်းကောင်း၊
- အဆောက်အဦးအမိုးမိုးပြီးလျှင်
%မည်၍မည်မျှကိုလည်းကောင်း၊
- အဆောက်အဦးအားသတ်မှတ်စံချိန်စံညွှန်း၊
သတ်မှတ်ခွင့်ပြုသည့်ပုံစံအတိုင်း
အဆောက်အဦးပြီးဆုံးကြောင်း
သက်သေခံလက်မှတ်
(ဘီစီစီ)(Building complicate Certificate )
ရလျှင်%မည်၍မည်မျှကို
မြေပိုင်ရှင်ကကန်ထရိုက်တာအား
ငွေပေးချေရသည့်စံနစ်ဖြင့်အဆောက်အဦးဆောက်လုပ်ခြင်း
ဖြစ်ပါသည်။
ကန်ထရိုက်တာအနေဖြင့်အဆောက်အဦးနှင့်
ပတ်သက်၍ခံစားခွင့်မရှိပါ။

"သတိပြုစရာများ"
==========

* အခန်းပေးအခန်းယူစနစ်ဖြင့်ဆောက်လုပ်ရာတွင်
ကန်ထရိုက်တာများသည်ကြိုတင်ငွေပေးချေမှုစနစ်ဖြင့်
မိမိရပိုင်ခွင့်ရှိသည့်တိုက်ခန်းများအားလုံးကိုဖြစ်စေ၊
အားလုံးနီးပါးကိုဖြစ်စေ၊ရောင်းချနေပြီဆိုလျှင်
မြေပိုင်ရှင်များဘက်မှစာချုပ်များတွင်
အသိအမှတ်ပြုလက်မှတ်
မထိုးပေးရန်သတိပြုဘို့အထူးလိုအပ်ပါသည်။

*** ကန်ထရိုက်တာအနေဖြင့်အရောင်းစာချုပ်၊
စရန်ပေးစာချုပ်တို့ချုပ်ပေး၍အတိုးဖြင့်ငွေချေးယူတတ်ခြင်း၊
အမှန်ရောင်းချလျှင်လည်းရပိုင်ခွင့်ဆက်လက်မကျန်ရှိ၍
အဆောက်အဦးအားပဋိညာဉ်ပါအတိုင်းပြီးဆုံးအောင်
မဆောင်ရွက်ဘဲရှောင်တိန်းထွက်ပြေးနိင်ပါသည်။
မြေပိုင်ရှင်အနေဖြင့်လက်မှတ်ရေးထိုးပေးမိလျှင်
ကန်ထရိုက်တာထံမှအခန်းကြိုဝယ်သူများမှ
ကန်ထရိုက်တာနှင့်အတူပူးတွဲတရားစွဲဆိုခြင်းခံရမည်
ဖြစ်ပါသည်။***

* ထို့အပြင်ကန်ထရိုက်တာသည်အခန်းတစ်ခန်းတည်းကို
နှစ်ဦးသို့မဟုတ်သုံး/လေးဦးတို့ကိုဆင့်ကဲဆင့်ကဲ
ရောင်းချတတ်၍မြေပိုင်ရှင်အနေဖြင့်
ကန်ထရိုက်တာအားအားနာမှု၊ယုံကြည်မှုတို့ဖြင့်
လက်မှတ်ထိုးပေးမိပါကကန်ထရိုက်တာ၏အရှုပ်ထဲ
ကိုယ်ပါ "ပဲလှော်ကြားဆားညပ်တတ်ပါသည်"။

*** သက်ဆိုင်ရာYCDC မှဆောက်လုပ်ခွင့်ပါမစ်ကျပြီးနောက်
အဆောက်အဦးမဆောက်သေးဘဲအခန်းများကိုကြိုတင်၍
အောက်ဈေးဖြင့်ရောင်းချနေသည့်ကန်ထရိုက်တာများဆိုလျှင်
သတိနှင့်ကြပ်မှတ်သင့်ပါသည်။
ထွက်ပြေးတိန်းရှောင်နိင်ပါသည်။ ***

တရားဝင်ခွင့်ပြုချက်လိုင်စင်မရှိဘဲ
လိုင်စင်အငှားဖြင့်ဆောက်လုပ်သည့်ကန်ထရိုက်တာများလည်း
ရှိပါသည်။

ထိုသို့
*** လိုင်စင်အငှားနှင့်ဆောက်မည့်ကန်ထရိုက်တာနှင့်ဆိုလျှင်
လိုင်စင်ပိုင်ရှင်ကန်ထရိုက်တာကိုပါစာချုပ်တွင်
ထည့်သွင်းချုပ်ဆိုထားရန်လိုအပ်ပါသည်။***

*** PAE စနစ်ဖြင့်ဆောက်လုပ်သောမြေပိုင်ရှင်များအဖို့
လိုင်စင်ရအင်ဂျင်နီယာတစ်ဦးနှင့်စံချိန်စံညွှန်းများကို
အမြဲမပြတ်စစ်ဆေးသင့်ပါသည်။***

* ကန်ထရိုက်တာအနေဖြင့်အဆောက်အဦး၏
တစ်ယူနစ်ဧရိယာအပေါ်ခန့်မှန်းတန်ဘိုးတွက်ချက်ရယူ
ဆောက်လုပ်ခြင်း၊(တနည်းအားဖြင့်)
ပုတ်ပြတ်စနစ် ဖြစ်ခြင်း၊(တစ်နည်းအားဖြင့်)
မြန်မာအခေါ်တန်စား၊ပေစားစနစ်ဖြစ်သည့်အတွက်
ကန်ထရိုက်တာတို့အနေဖြင့်မိမိတို့အတွက်
ပိုမိုအကျိုးအမြတ်ရစေရန်အဆောက်အဦးတွင်
အသုံးပြုမည့်ပစ္စည်းများ၏အရည်အသွေးအပေါ်ခို၍
ဆောက်လုပ်တတ်ကြပါသည်။

(မကြာခဏကန်ထရိုက်တာနှင့်မြေပိုင်ရှင်တို့အကြား
အထက်ပါအချက်များအပေါ်သတိမထားမိကြဘဲ
အမှုများဖြစ်ပွားတတ်သောကြောင့်
ဆောင်ရန်၊ရှောင်ရန်တင်ပြရခြင်းဖြစ်ပါသည်။)

"သစ်နှင့် ရေ၀င်ဆန့်တွက်နည်း"


"သစ်နှင့် ရေ၀င်ဆန့်တွက်နည်း"

"သစ်တွက်နည်း"
။။။။။။။။။။။။။။။။။။။။
မြန်မာလက်သမားတို၏သစ်တွက်နည်းဝေမျှပါသည်။

"သစ်တစ်တန် = ၄၀၀လက္မ သတ်မှတ်ပါသည်။"

ဥပမာ ၂"x ၁" (အရှည်၁၈ ပေ) = ၂" ဟုသတ်မှတ်သည်။
၄၀၀ ÷၂= ၂၀၀
ထို့ကြောင့် ၂"x ၁" (အရှည်၁၈ပေ)
၂၀၀ ချောင်းသည် တစ်တန်ဖြစ်သည်။

(အောက်ပါတို့ကို အားလုံးပေရှည် ၁၈ပေ မှတ်ယူရပါမည်။)
၃"x ၁" = ၃" (၁၃၃.၃ ချောင်း) 
၎"x ၁" = ၄" (၁၀၀ချောင်း)
၅"x ၁" = ၅" (၈၀ချောင်း)
၆"x ၁" = ၆"(၆၆.၆ ချောင်း)
၃"x ၀.၅"= ၁.၅"(၂၆၆.၆ ချောင်း)
၎"x ၀.၅"= ၂"(၂၀၀ ချောင်း)
၎"x၄"=၁၆ လက္မ(၂၅ ချောင်း)
၅"x ၅"=၂၅ လက္မ(၁၆ ချောင်း)

"တန်ဖိုးတွက်မည်ဆိုလျှင်"

ဥပမာ -
သစ် တစ်တန် = ၄၀၀,၀၀၀ကျပ်
၄၀၀,၀၀၀ ÷ ၄၀၀ = ၁၀၀၀ ကျပ်(၁"တန်ဘိုးဖြစ်သည်။)

၂"x ၁၀၀၀ = ၂၀၀၀ကျပ်
(၂"x ၁" ၁၈ပေတစ်ချောင်း၏တန်ဘိုးဖြစ်သည်။)

၃"x၁၀၀၀=၃၀၀၀ကျပ်
(၃"၁" ၁၈ပေတစ်ချောင်း၏တန်ဘိုးဖြစ်သည်။)

၂"x ၁" -  ၅ပေတစ်ချောင်း၏တန်ဘိုးဆိုလျှင်
၂၀၀၀ကျပ် ÷ ၁၈ပေ x ၅ပေ = ၅၅၅.၅၅ ကျပ်

"နောက်တစ်နည်း"
။။။။။။။။။။။။။။။။။။။။။
ဥပမာ-
၅"× ၁"ဆိုရင်
၅ × ၁ = ၅
၃" × ၂" ဆိုရင်
၃ × ၂ = ၆ စသည်ဖြင့်ရလာမယ်။

(သစ်တစ်တန်ဟာ
၁လက်မပတ်လည် ( 1" X 1") မှာ ၇၂၀၀ ပေ အရှည်ရှိ
တဲ့ အတွက် - )

မြှောက်လို့ရတဲ့ အဖြေနဲ့
၇၂၀၀ ကိုစားလိုက်ပါ။
ရလာတဲ့ အဖြေက တစ်တန်မှာရှိတဲ့ ပေအရှည်ပဲ။

ဥပမာ -
၇၂၀၀ ÷ ၅ = ၁၄၄၀ ပေ
၇၂၀၀ ÷ ၆ = ၁၂၀၀ ပေ စသည်ဖြင့်
ရလာတဲ့ပေကို တချောင်းချင်းပေတိုင်းပြီး ဝယ်ပေါ့ ... ။

"ရေ၀င်ဆန့်တွက်နည်း"
။။။။။။။။။။။။။။။။။။။။။။။။။။။။
ရေကန်တစ်ခု ရေဂါလံ ဘယ်လောက်ရှိလဲတွက်ချင်ရင်
၁ကုဗပေမှာ ၆.၂၄ ဂါလံရှိပါတယ်။

အလျား အနံ အမြင့် တစ်ပေစီရှိတဲ့ ပုံးတစ်လုံးဟာ
ရေ ၆.၂၄ ဂါလံဆန့် ပါတယ်။

ဒါကြောင့် ၆ပေအလျား ၄ ပေအနံ ၃ ပေ အမြင့်ရှိတဲ့
ရေကန်ဟာ
6 X 4 X 3 X 6.24 = 449.28
ရေ ၄၅၀ ဂါလံဆန့် ပါတယ်။

ရေတစ်ဂါလံ ၁၀ ပေါင်လေးလို့  ၄၅၀၀ ပေါင်လေးပါတယ်။
၂၂၄၀ ပေါင် ၁ တန်လေးလို့  ၂ တန်လောက် အလေးချိန်ရှိပါမယ်။
ရေကန်ကို အပေါ်မှာ ထားရင်
dead load ဝန်သေ ၂ တန်ကို ခံနိုင်အောင်
သံချောင်း ကော်လံတိုင် ဆိုဒ် ကို သုံးရပါမယ်။

1 ဂါလံမှာ ၄.၅၄၆ လီတာရှိပါတယ်။
အခုနောက်ပိုင်း စတီးရေတိုင်ကီတွေက လီတာနဲ့  ပြထားတတ်လို့ 
ပြန်တွက်ကြည့်လို့ ရပါလိမ့်မယ်။

Htin Kyaw &  KOPAUK

အင်တာနက်မြန်နှုန်းစမ်းရန်နှင့်အချိန်